做一個開心ge人好難....

做一個成日都對人笑又開心ge人更難...

要做一個對人笑又真係開心ge人更難...

d人成日都話我係一個好開朗又無咩煩惱ge人...

成日都咁開心....

其實....

可能講你地都唔信...

我覺得自己唔係一個聰明人...而且仲好蠢...

成日都做錯野...無咩野係做得好...

睇落好識捻野...其他一d都唔識捻...

好似成日都好開心咁...又有講有笑...

其實...

我只不過係一有問題就會去逃避...

我就會走去搵朋友同佢地玩...

只要做其他野我就會暫時忘記唔開心ge野...

但係只要一停落泥...我就會立即捻起佢...

所以我會不停咁搵野做...搵人同我玩...

仲會玩到好似好開心咁...

所以好少人見過我難過同唔開心個樣...

我係一個軟弱ge男人...

只係睇上泥好堅強....

其實我係一個好容易喊ge人...

我真係好無用...我真係好想改左e個習慣會...

唉...

做一個成日開心ge人真係好難好難...

e加好想有個人比個膀頭我抱下喊出泥...

心好痛...

只要一捻起我就好心痛...

一邊喊一邊打....

好痛苦....

唔好咁對我....

做咁多野做咩呀....

到頭泥咪又係咁....

我真係唔明....

點解點解點解....

e個問題我問左自己好多次...

之前好想去參加社團....

不過因為想返多d工賺多d錢買果樣野比你....

所以無時間去參加....

我一直覺得就算辛苦d都係值得....

但係...

唔知點解....e份心意你好似一d都感受唔到咁....

我唔知應該點做....

我捻係因為我做得未夠好....

 

你是我的天使...你是我的太陽...

嘩....

超超超超好玩呀.....

好玩到咩咁呀....

今年有去真係一個非常非常正確ge選擇....

雖然一開頭ge時候有小小悶.....

但係到後面呀....

都慢慢咁開始熟....

慢皺咁開始玩啦....

我身為攝影股....當然要緊貼佢地啦...

今年d學弟都比較被動....

反而d學妹就主動到咩咁....

當然唔係感情方面ge主動啦....

不過話時話，今年有個學弟真係唔知佢想點....

佢就從上車開始，就一直咁講d冷到仆街ge笑話出泥...

都唔知想點....

咁大家都知迎新營到夜晚都有一個"感性時間"嫁啦!!

咁話時係"感性時間"咁當然係講d感性說話啦...

果條戊利竟然可以絕到係"感性時間"到對住之蠟足講"一睇之蠟足，

　　　　　　　　　　　　　　　    我就知道佢ge純度，e之蠟足ge純唔係好純...."

我一聽到就立即有種想打佢ge衝動，如果佢唔係我學弟....我殺左佢啦....

之後都無咩特別野發生....

唯一比較特別ge就係係夜遊到比人叫全名....

咁你地都知嫁啦....

夜遊係唔可以叫對方個名ｏｒ全名嫁麻...

比人叫全名咁就好容易有d野陪伴我左右咁啦....

不過好彩我唔係好信e d野...如果唔係一定會驚到半死....

不過我覺得最絕ge係我當晚本來就要守夜ge....

點知我竟然訓到死左咁...有人叫我我都唔知...

叫我果個人仲話叫到好耐....我都好似死左咁完全無反應...

睇怕果日我真係累到仆街咁先至會咁....

第二日呀...

係我最開心最開心ge一日....

因為我做關主....做關主唔係最開心呀...

係我地三個關主正ge懲罰絕呀...

本來我地個遊戲好簡單je...只要係三個人六隻手入面...

估下個十蚊係邊到....估中就贏...估唔中就輸....

就係咁之麻....

不過我地為求開心....

我地就將個遊戲正到好鬼呷...

d人如果估唔中ge話就要每人講一句對關主讚美ge說話....

嘩....果時真係精彩囉....我咁大個仔呀...

都未試過比人搶住泥讚我呀...係搶住咁讚我先絕呀麻....

我地家個學弟真係識講野到咩咁呀....

佢讚到我成個人飛晒上天....真係爽到咩咁...

就係因為ｅ個遊戲...我同ｆｉｓｈ都知道左...原來上天堂ｇｅ感覺係咁爽嫁....

怪唔得d人死都要上天堂唔落地獄啦....原來係因為咁....

註：果時有個學妹用廣東話同ｆｉｓｈ講"我好鍾意你呀"...嘩...ｆｉｓｈ成個人爽到飛左上天呀....

最後玩大地遊戲果陣....睇住ｄ學弟妹比人玩到想死咁....

真係開心到咩咁呀....

最後我地都好爽咁完成晒成個迎新營....

講真....

今次營新真係好開心....佢一定會係我畢生難忘ｇｅ一件事...

 

註：我影左好多相呀....如果有學弟妹睇完而又睇得明ｇｅ話可以問我攞相...^o^

其實...

係咪真係拿得起就放得下....

真係好似拿起灌可樂飲完放係返係桌到咁簡單??

你如果試過攞起一樣好重ge野...

當你攞住佢一斷長ge時間後...

你想放底佢....

唔係唔得...

不過....你一定會好辛苦....

一定辛苦過你攞起佢果陣...

一個唔小心....

分分鐘仲會正親自己....

e加...

我已經將佢攞住一斷時間啦....

我都已經習慣左攞住佢ge感覺....

而且我仲好享受攞住佢果陣ge感覺....

我e加只係想你一直咁比我攞住....

我唔想將你放底....

因為我知道...

如果我將你放底....

我一定會正親自己....

而且會好痛苦好辛苦咁先可以將你放底....

點解會咁嫁....

同我捻ge完全唔一樣...

有好大ge出入囉...

希望唔好係啦....

如果真係....

我會想死嫁....

千其千其唔好係....

我會乖嫁啦....

所以....

唔好係呀....

各位同學...

你地知唔知豬魚係點泥嫁....

你地一定唔知啦....

你地靜係知佢地好矮je...

鬼知佢地點泥嫁...

e個故仔就係話比你知....豬魚你點泥嫁啦....

相傳係好耐好耐之前...

有一隻豬....

佢就好鬼似電影入面果隻豬仔咁ge....

個主人鬼咁死鍾意佢果種呢....

咁佢就當然可以係外面走泥走去啦...

有一日佢就係散步ge時候見口喝bo...

咁岩旁邊有條河仔bo...

咁見口喝又有條河仔...洗鬼捻咩....

當然就係張大個死豬口飲水啦....

係佢飲水ge時候...唔覺意咁見到條FISH係到游水...

隻豬一開頭見到條FISH都唔覺佢好靚好正咁嫁...

因為條FISH成身復古LOOK....

不過隻豬成日散步一經過過頭就去飲個水咁啦....

見下見下...

佢又覺得條FISH幾順眼幾唔錯咁bo...

果身復古LOOK又幾有型bo....(重點係咁好彩比條FISH撞正果其興復古)

咁佢地成日都見到面...

所以條小FISH又覺得隻豬都唔錯咁bo...

小FISH覺得隻豬個身材"肥得均勻，瘦得有道理"...

你知嫁啦...e d野....

一次生...兩次熟....三次咩呀...三次就食豬肉嫁啦....

所以小FISH就咁食左隻豬嫁....

之後佢地就生左一大班豬魚啦....

e個就係豬魚ge由來....

 

＊註：如果覺得有邊到要改....

            請通知本人...

            我會作出合理ge改變.....

今日好慘呀...

本來返工係一件好開心ge事....

不過今日....>"<

我比人屈呀....

一開始係....

我好似平時咁....

同佢地有講有笑咁印野啦....

平時都係咁嫁啦....

做咩今日無端端話我偷懶摸魚呀....

邊有d咁ge事....

我明明就岩岩先印好一本書....

之後當然就係要計下印左幾多錢啦.....

咁係我計完錢要寫野ge時候....

阿店長夫人就同我講左幾句笑....

咁佢講笑bo，點有可能唔笑呀.....

唔好笑都要笑啦，禮貌呀麻....

咁就係我笑ge時間....

店長佢竟然講"寶源，不要笑啦...還有那邊摸魚....還有很多書要印押!"

我真係點點點....

我邊到有摸魚呀???

摸屎忽就有....

搞到我即刻成個人唔開心....

迫我唔出聲不停咁做野....

哼...

我今日一個人都唔知印左幾多書呀....

幫你食左成大疊書呀....

哼哼哼....

下次你多書印想我加班果陣....

哼....

發夢啦...一定唔幫你呀....

我嬲呀....

我無摸魚....我無偷懶.....

死啦....

前兩日呀...

會籃今年第一次練波....

所以身為副隊長ge我都幾緊張嫁....(雖然唔勁,不過比小小面我啦)

咁３點幾啦....

ｄ學弟到晒啦....

都唔知叫佢地學弟好定叫佢地學長好....

個個都神高神大....

平均都高過我一個頭....(好自卑呀...阿媽做咩唔生我高多兩寸Ｔ＾Ｔ)

咁人到齊晒啦,當然係開始練波啦....

咁因為太耐無打波ge關係,所有ｄ退步同有ｄ退化....

咁練左個令鐘之後啦....

死家豪無端端講咩玩暴力遊戲....

真係頂佢個肺,練波就練波啦,玩咩鬼暴力遊戲呀....(暴力遊戲ge規矩就係無規矩,唔理你點樣,你射到個波入去就係你ｗｉｎ)

不過無奈佢係職位比我大ge隊長,ｓｏ為有玩啦....

唔玩都仲有半條命,玩完連果半條命都無埋...

本來ｅ個遊戲我係上一年可以話係所向無敵嫁啦....

不過今年ｄ學弟都痴痴地線嫁,我都係想射個波唔洗比罰咁ｊｅ....

佢地竟然絕到係我跳高射波跳到一半ge時候零空攬返我落泥....

我又唔係靚女呀,洗鬼咁猴琴咩...

洗唔洗做到咁絕,出晒大絕"琴拿手""鷹找功"咁呀....

當堂係防禦０ge時候比佢地打到半死昏迷ge狀態....

下次練波係今個星期六呀....

我決定ｅ加開始日日苦練"分肋錯骨手"....

打到你班仆街訓係到....